वनस्पतीशास्त्र विभाग, गावंडे महाविद्यालयात मशरूम लागवड व प्रशिक्षण कार्यशाळा
✍️ बबलु भालेराव (मुख्य संपादक) ✍️ सिध्दार्थ दिवेकर रिपोर्टर (सहसंपादक) मो. 9823995466
उमरखेड (दि.२६ फेब्रुवारी) गो. सी. गावंडे महाविद्यालयात वनस्पतीशास्त्र विभागात सुशिक्षित बेरोजगारांसाठी व ग्रामीण भागातील बेरोजगारांसाठी, गृहिणी महिलांसाठी व शेतकऱ्यांनसाठी “Oyster Mushroom Cultivation & Marketing” वर प्रशिक्षण आयोजन व “मशरूम उत्पादक” म्हणून आपला नवीन स्वतंत्र व्यवसाय चालू करन्यासाठी कार्यशाळेचे आयोजन करण्यात आले व आळंबी लागवडी बद्दल विद्यार्थ्यांना प्रात्यक्षिक मार्गदर्शन करण्यात आले.
शेतकऱ्यांसाठी एक उत्तम जोडधंदा, कमी खर्च, कमी मेहनत आणि भरघोस नफा करून देणारा हा व्यवसाय आहे.
भारतामध्ये मशरूम उत्पादन हे अजूनही एक नवीन संकल्पना आहे आणि भविष्यात मशरूमला मोठी बाजारपेठ मिळणार आहे असे प्रतिपादन वनस्पतीशास्त्र विभागातील प्रा. डॉ. प्रशांत अनासाने यांनी केले.
“ओयस्टर मशरूमची लागवड आणि उत्पादन” यांच्या संपूर्ण मार्गदर्शनासह, मशरूमचे मार्केटिंग ची माहिती विद्यार्थ्यांना देण्यात आली. दरवर्षी मशरूम लागवड व प्रशिक्षण ची कार्यशाळा गावंडे महाविद्यालयातील वनस्पतीशास्त्र विभागात होत असते वनस्पतीशास्त्रातील सर्व विद्यार्थ्यांनी या कार्यशाळेचा लाभ घेतला मागील वर्षी काही विद्यार्थ्यांनी आपल्या शेतात स्वतंत्रपणे आळंबी चे प्रात्यक्षिक केले.
या कार्यशाळेसाठी महाविद्यालयाचे प्राचार्य डॉ. माधवराव कदम यांचे मार्गदर्शन लाभले, तसेच प्रा. डॉ. पी. डी. वंजारे, प्रा. डॉ. के. एस. सोनटक्के,प्रा. डॉ. एस. व्ही. सुर्वे, प्रा. डॉ.आर. जे. डहाके, श्री. रामेश्वर बावसकर यांनी कार्यशाळेला उपस्थिती नोंदविली.
अशा प्रकारचे वेगवेगळे शिबिर महाविद्यालयात राबविण्यात येतात व त्यासाठी यवतमाळ जिल्हा अखिल कुणबी समाज, यवतमाळ संस्थेचे अध्यक्ष माननीय श्री.रामसाहेब देवसरकर व सचिव माननीय श्री. डॉ. यादवराव राऊत साहेब तसेच महाविद्यालयाचे प्राचार्य डॉ. माधवराव बा.कदम यांच्या मार्गदर्शन व पाठबळ विद्यार्थ्यांना लाभते.
