इंदिरा नगर येथील तीस वर्षे महिलेचा मृत्यू देह विहिरीत आढळला

✍️ बबलु भालेराव (मुख्य संपादक) ✍️ सिध्दार्थ दिवेकर रिपोर्टर (सहसंपादक)

उमरखेड येथील इंदिरानगर येथील रहिवासी असलेली. यशोदा गंगाराम गरड हिचा मृत्यू देह शुक्रवार दि.7 रोजी तीन वाजताच्या सुमारास स्थानिक सार्वजनिक बांधकाम विभागाच्या परिसरात असलेल्या एका जुन्या विहिरीमध्ये आढळून आला.

तिचा पती गंगाराम हा व्यवसाय करण्यासाठी हादगाव येथे सकाळीच गेला होता व सदर महिलाही अज्ञात आजाराने त्रस्त असल्यामुळे तिला आज सायंकाळी वर्धा येथे उपचारासाठी नेण्यात येणार होते अशी माहिती नातेवाईकांनी दिली.

सदर महिलेने आपल्या तिन्ही मुलांना आपल्या घरात कोंडून मी विहिरीत जीव द्यायला चालली असे मुलांना सांगितल्याचे सदर महिलेच्या मोठ्या मुलीने नामे आराध्या वय 7 वर्ष हिने तिच्या काकास फोन द्वारे कळविले. त्यानंतर मृतक महिलेच्या दिराने परिसरात शोध घेणे सुरू केले असता. त्यास सार्वजनिक बांधकाम विभागाच्या परिसरात जुन्या विहिरीत मृतदेह आढळला.

या घटनेची माहिती पोलिसांना मिळता च पोलिसांनी घटनास्थळ गाठून मृतदेह विहिरी बाहेर काढून मृत्यूदेह शासकीय रुग्णालयात पाठविण्यात आला.

पुढील तपास उमरखेड पोलीस करीत आहेत.